محمد طيب في الامتحان ..... ماذا تفعل لو ؟

محمد طيب في الامتحان ..... ماذا تفعل لو ؟



و طبعا زي ما كلكم عارفين و متابعين


محمد طيب طالب في كلية الهندسة جامعة 6 اكتوبر


و اكيد طبعا متابعينه و عارفينه و عارفين دماغه ازي


و الفترة دي كانت فترة امتحانات عصيبة عليه


و في اخر يوم من ايام الامتحانات محمد كان نفسيته مش الي هي
فمالحقيش يلم المادة بتاعت التفاضل والتكامل


و ما ادراكم ما التفاضل والتكامل


كل طلاب هندسة بيشدوا شعرهم منه


صحي محمد الصبح بالعافية


و شرب جردل النسكافيه علشان يفوق


و نط في البنطلون و القميص علشان هو فعلا متأخر و الطريق بتاع المحور مكسر و هياخد وقت طويل


و قام ضرب شألباز في العربية الجديدة و هبا كام غرزة و علي كام امريكاني و فتح العداد علي اخره


و الحمد لله وصل قبل اللجنة ما تبدأ ب 10 دقائق


جري لحق مكانه بالعافية


و خد ورقة الاجابة و بدأ يسطرها


و هو لسه بيكتب بسم الله الرحمن الرحيم


سمع واحد جنبه بيقوله


: صبح صبح يا عم محمد


محمد : نهار فل يا عم تتح


تتح : ها ايه النظام النهاردة ؟


محمد : النظام في العظام يا تتح و شكلها زي كل سنه اصل المشكلة في الراجل رئيس القسم دا مستقصدني من ساعة ما فتحت قرنه في المحاضرة


تتح : طيب بص انا ظبطت المسائل من الناس الي جنبنا يمين و شمال و العملية اصلي و اخر روقان انت بس الي تعرفه باصيه


محمد : الله عليك يا تتح و علي دماغك العالية


هو دا الكلام و لا بلاش


شكلها المرة دي هتسلك


و طبعا محمد خلاص نسي يكتب البسمله و بدأ يفكر ازي هيعرف يباصي و يشوط مع تتح


و نزل ورقة الاسئلة و طلع الامتحان اختيار من متعدد


و طول الماتش محمد و تتح هات و خد


محمد : واد يا تتح هي اجابة نمرة 10 ايه ؟


تتح : هو الواد تفاهة حاللها c ايه رأيك ؟


محمد : يا راجل يعني احنا هنفهم احسن من تفاهة دا العفريت مش شايل غير مادة واحدة بس
توكل علي الله و اختار c


تتح : تمام يا كبير اصلي و الله


و فاتت الساعة و نص زي الهوا


و اصحابنا شاغلين الله ينور


المراقب : خلاص يا جماعة هنلم ورق الاجابات دلوقتي


..... كله يسيب القلم


محمد : الحمد لله كان امتحان ايه لوز و الله صحيح انا معرفتيش فيه و لا كلمه بس الشغل الي حصل بينا يا تتح دا علي مية بيضة


تتح : ايوة و الله تسلم ايدك يا سيد المعلمين


المراقب : يلاا يا جماعة بسرعة لو سمحتوا


الناس الي نموذج A تلم وراقها في الصف الي علي اليمين
و الي نموذج B يلموا وراقهم في النص
و الي نموذج C يلموا وراقهم في الصف الشمال


محمد : ولاا يا تتح ..... هو ايه النماذج الي بيقول عليها الراجل دا


هو الامتحان مش موحد !!!!!


تتح : هو الظاهر و الله اعلم كدا يا محمد ان الامتحانات دي غير بعضها


محمد : ايه


انت بتهزر ؟


يعني ايه هنشيل قبح يا تتح



تتح :


قبح يا معلم





ماذا تفعل لو كنت مكان محمد ؟؟؟


طبعا ما اقصديش بعد الامتحان


لان بعد الامتحان هتعمل حاجة واحدة بس
انك هتنتحر ضربا بالقباقيب


اقصد جوا اللجنة


هل كنت هتظبط مع تتح ؟؟؟؟

لو كنت مكان محمد كنت حليت مع نفسى واللى ما اعرفهوش اسيبه والباقى ع ربنا بقا

هههههههههههههههههههههههه عندك حق

أنا لو مكان محمد أمممممممممممممممممممممممممم هو محمد عمل ايه اصلا انا مش فاهم

هههههههههههههههههه
انا بقى لو كنت مكان احمد كنت
ممممممممممم
كنت جبت احتيطاتي معايه احسن من الاعتماد على الغير

مشكور جدا ياعسوله على موضوعك الجميل دا
انا عن نفسى لو مكان محمد
كنت حليت ورقتى وهوا حل وراقته وخلاص
وانا مالى بيه
هوا اناهحل ليا وليه

ll A7MeD NeW SoOn ll كتب:

مشكور جدا ياعسوله على موضوعك الجميل دا
انا عن نفسى لو مكان محمد
كنت حليت ورقتى وهوا حل وراقته وخلاص
وانا مالى بيه
هوا اناهحل ليا وليه

رد مقنع برضه
نورت يا واد